Pati Pag-alis sa Japan, May 'Exit Fee' na?

Akala mo sa pagpasok lang mahal? Pati pag-alis ng Japan, tinaasan na rin ang bayad. 😩

Ano'ng bagong chika?

Simula nitong July 1, triple na ang 'departure tax' o bayad sa pag-alis ng Japan. Mula sa 1,000 yen, ngayon ay 3,000 yen na.

Madalas, hindi natin 'to napapansin kasi kasama na sa presyo ng airplane ticket. Pero oo, binabayaran natin 'yan. Parang kabubukas lang ng Hulyo, may ganitong pa-surprise agad.

Naalala mo yung balita na tinaasan din nila ng 400% yung visa fees? Sunod-sunod na ata, ano?

Bakit daw tinaasan?

Ang sabi ng gobyerno, para daw labanan ang 'overtourism'. Dahil sa sobrang dami ng turista, kailangan daw nila ng extra budget para i-promote yung ibang lugar na hindi pa gaano dinadayo.

Para daw maibsan yung siksikan sa mga sikat na tourist spot. Okay, sige, may point naman. Pero eto na nga.

So... sino'ng magbabayad?

Dito na yung medyo nakakakunot ng noo. Akala mo para sa mga turista lang na pauwi 'yung tax, 'no? Hindi po. Lahat tayo apektado.

Lahat ng lilipad palabas ng Japan — turista, tayong mga foreign residents, at pati mismong mga Hapon — kailangan magbayad ng bagong 3,000 yen na tax.

Kaya sa susunod na uwi mo ng Pinas para magbakasyon, asahan mo nang may dagdag-bayad na 'yan sa ticket mo. Kung mag-isa ka lang, dagdag 2,000 yen. Pero kung pamilya kayo? Isipin mo, apat kayo, dagdag 8,000 yen agad 'yun sa gastos. Sakit sa bulsa.

Ang exception lang ay mga batang wala pang 2 years old at mga transit passengers na wala pang 24 oras sa Japan.

Hay nako. Sa panahon na lahat ng bilihin ay tumataas, pati ang pag-uwi para makita ang pamilya, pinamahal pa.