Paano Kunin Yung 20% Tax sa Pension Withdrawal Mo
May 20% ng pension mo na pwedeng 'di mo na makuha pag-uwi mo ng Pinas.
Bakit kulang yung binayad sa'yo?
Kung nagtrabaho ka sa Japan nang higit 6 months at nagbayad ng pension, may systema para makuha mo ang isang bahagi nito pag-uwi mo. Ito yung "Lump-Sum Withdrawal" o 脱退一時金 (dattai ichijikin). Marami sa atin ang nakakaalam nito.
Ang 'di alam ng marami, pagdating ng pera sa bank account mo, mapapansin mong kulang. Pagtingin mo sa papel na pinadala sa'yo, may kaltas na halos 20% para sa "withholding tax" o 源泉徴収 (gensen-chōshū). Ang eksaktong rate ay 20.42%.
Nung una, akala ko wala nang magagawa kasi tax 'yan, 'di ba? Pero libo-libong yen din 'yun. Sayang kung hahayaan mo lang. Pwede pala 'tong mabawi.
Ang sikreto: "Tax Representative"
Kaya kinakaltasan ng 20% ay dahil para sa Japanese tax law, ang dattai ichijikin mo ay tinuturing na "retirement income" (退職所得). At dahil kita mo 'yan sa Japan, kailangan mong magbayad ng tax para dito, kahit nasa Pilipinas ka na.
Para hindi ka na nila habulin sa Pinas para sa tax, kinukuha na lang nila agad yung 20.42% bago ibigay sa'yo 'yung pera. Mas madali para sa kanila.
Pero may paraan para mabawi 'yan. Dito na papasok ang tinatawag na 「納税管理人」(nōzei kanrinin), o tax representative.
Ang steps BAGO ka umuwi
Ito ang pinaka-importante: gawin mo ito bago ka umalis ng Japan. Kailangan mo ng isang tao sa Japan na pagkakatiwalaan mo—kaibigan, katrabaho—para maging representative mo.
Pumunta ka sa city hall o tax office ng lugar kung saan ka nakatira. Humingi ka ng form na 「所得税・消費税の納税管理人の届出書」 (Shotokuzei/Shōhizei no Nōzei Kanrinin no Todokedesho). Ilagay mo ang detalye mo at ng representative mo, tapos i-submit mo.
Pag-uwi mo sa Pinas at pag-apply mo ng pension refund, darating yung 80% ng pera mo at isang papel na tinatawag na「脱退一時金支給決定通知書」(Notice of Lump-Sum Withdrawal Payment). Ipadala mo ang kopya ng papel na 'to sa tax representative mo sa Japan.
Gamit ang papel na 'yon, pupunta siya sa tax office para mag-file ng iyong tax return. Ibabalik ng gobyerno yung 20% na kinakaltas sa Japanese bank account ng representative mo, at saka niya ipapadala sa'yo. Medyo hassle, pero pera mo rin 'yan. ☕