Ang Pangarap na 10M Yen na Sahod sa Japan: Gaano Katotoo?

Sabi nila, ¥4.77 milyon daw ang average na sahod sa Japan. Pero teka, average para kanino? 🤔

Ang “Average” na Medyo Hindi Pala Average

Lumabas sa bagong survey ng gobyerno na ang average salary ng mga manggagawa sa Japan ay nasa ¥4.77 milyon kada taon. Okay, not bad. Pero kapag hinimay mo, doon mo makikita ang totoong kwento.

Ang average para sa mga lalaki ay ¥5.86 milyon. Sa mga babae, ¥3.33 milyon. Medyo malayo ang agwat, ano? So yung “average” pala, hinihila lang pataas ng sahod ng mga lalaki. Reality check kaagad.

Ang Club ng mga Kumikita ng ¥10 Milyon

Lahat tayo may pangarap yumaman, at dito sa Japan, ang isang malaking milestone ay ang kumita ng “nen-shuu issen-man en” o ¥10 milyon kada taon. Parang magic number ‘yan.

Ang tanong: gaano karami ang nakakaabot dito? Sa mga lalaki, 9.7% lang. Ibig sabihin, sa sampung lalaking nakikita mo sa train, baka wala pang isa doon ang miyembro ng club na ito. At sa mga babae? Brace yourself. 1.6% lang. Oo, isa’t kalahating porsyento. Good luck sa atin.

Edad at Industriya: Ang Dalawang Malaking Factor

Lumalabas din sa data na ang sahod ng mga lalaki ay tuloy-tuloy ang pag-akyat habang tumatanda sila. Umaabot sa peak ‘yan pagdating nila ng 55-59 years old, kung saan ang average nila ay ¥7.34 milyon. Hindi pa rin ¥10 milyon, pero malapit na.

Sa mga babae naman, medyo flat ang linya. Mula 20s hanggang 40s, halos hindi gumagalaw sa ¥3.5-3.7 milyon range. Parang suweldo mo nung 2018, ganun pa rin ngayon. Relate?

Pero ang pinakamalaking pasabog ay nasa industriya. Kung nasa “Utilities” ka (kuryente, tubig, gas), ang average ay ¥8.32 milyon. Kung nasa “Hospitality” o “Food Service” ka naman… alam na. Ang average ay ¥2.79 milyon. Iyan ang pinakamababa sa lahat. Sakit sa bangs. 🥲

Kaya sa susunod na magrereklamo ka na pagod ka na, i-tag mo yung kaibigan mong nasa IT (¥6.59M average). Baka naman mas pagod siya, pero mas malaki ang kita. Charot.