Bonus sa Japan, umabot ng 1M yen (para sa iba)

Sana all: average summer bonus sa Japan, lagpas 1 million yen na raw. 🥲

Sana All

Habang abala tayo sa pag-check kung kailan ang sunod na yasukyu, may magandang balita para sa iba. Ayon sa Keidanren (Japan Business Federation), ang average summer bonus para sa mga major companies sa Japan ay umabot na sa ¥1,008,706.

First time daw sa history na lumagpas ng 1 million yen mark. Grabe. Isang milyon. Parang naririnig ko na 'yung mga ka-opisina nilang nagyayaya ng 'treat naman diyan!'

Okay, Pero Para Kanino?

Bago ka mag-sana all at i-check ang payslip mo, disclaimer muna: para ito sa mga 'daikigyou' o malalaking kumpanya na may 500+ employees. Sila 'yung mga nasa survey.

Partikular na malaki ang tinaas sa non-ferrous metals at food industry. Ang manufacturing average ay nasa ¥1.06 million. Medyo bumaba naman daw 'yung sa mga taga-automotive industry, wala pang 1 million.

Parang ‘pag ganito kalaki bonus mo, kahit siguro 'yung endless na chourei at ang ‘di maintindihang utos ng buchou, kakayanin mo with a smile. 😂

'Wag Muna Ma-inggit

Pero teka lang, ito pa lang 'yung first count. Sabi sa report, kadalasan, mas bumababa pa 'yung final average na ilalabas nila sa August.

Tsaka 'yung mga kumpanyang kasama sa survey, nag-iiba-iba rin daw taon-taon. Kaya hindi rin siya exactly a perfect comparison sa mga nakaraang taon.

Kaya sa ngayon, balik muna tayo sa pag-abang sa sarili nating bonus. Kahit 'di umabot ng isang milyon, bonus pa rin 'yan. Diba?