Sikreto Para Magmukhang Bata? Simple Lang Daw

May isang sikreto lang daw para sa mga taong mukhang mas bata sa kanilang edad.

Ang Sabi ng Siyensya

Akala mo siguro 'yung sikreto ay 'yung mamahaling skin care sa Donki o 'yung collagen drink na nakikita mo sa TV. Hindi raw. Sabi ng isang doktor at expert sa pagtanda, si Dr. Gabrielle Lyon, ang sagot daw ay sobrang simple: tamang pagkain at ehersisyo.

Oo, 'yun lang. Walang magic potion. 'Yung pinagsama-samang healthy choices mo araw-araw, 'yun daw ang nagpapatibay ng muscles at nagpapaganda ng tindig, kaya nagmumukha kang fresh. Hindi lang daw sa balat 'yan nanggagaling, kundi sa loob mismo ng katawan.

Ang Challenge #1: Ang Pagkain

Okay, so sa pagkain muna tayo. Ang rule #1 daw: iwasan ang mga "ultra-processed foods." Translation: lahat ng masarap sa konbini. 😭 Paalam, FamiChiki. Paalam, onigiri. Sabi ng doktor, dapat daw sariwang gulay, prutas, karne, at itlog ang bilhin.

Tapos, kailangan mo raw timbangin ang pagkain mo sa umpisa para masanay ka sa tamang portion size. Bes, sa liit ng kusina natin sa apāto, saan natin ilalagay 'yung weighing scale? Idagdag mo pa 'yung pagod galing trabaho. Minsan, Lawson na lang talaga ang sagot.

Ang Challenge #2: Ang Pawis

Bukod sa diet, kailangan din daw ng exercise. At hindi lang daw basta-bastang lakad-lakad papuntang station. May listahan pa: 150 minutes na cardio, 3-4 beses na strength training (buhat-buhat), at isang beses na high-intensity interval training (HIIT) kada linggo.

Ang hirap isipin kung paano isisingit 'yan lahat. 'Yung 150 minutes, halos tatlong oras na 'yun. Tapos magbubuhat ka pa. Pag-uwi mo galing baito, ang gusto mo na lang ay humilata at mag-scroll.

Sabi pa sa libro, ang pinaka-malaking pagkakamali raw ay ang "hindi mag-ehersisyo." So 'yung pagbagsak natin sa kama pagkauwi... 'yun na pala 'yung kasalanan natin. Hay.