Yung sempai mong laging masaya? Baka ito ang sikreto niya

Ang sikreto daw sa pagiging masaya ay hindi malaking sahod, kundi maliliit na bagay tulad ng pagtimpla ng kape.

Yung officemate mong parang walang problema

May kilala ka bang tao sa Japan na parang laging masaya? Yung tipong kahit gaano ka-stress sa trabaho, kalmado pa rin at nakangiti. Parang hindi tinatablan ng problema.

Sa isang Japanese article, kinuwento ng writer yung tungkol sa sempai niya na ganito. Laging good mood. Isang araw, tinanong niya, "Sempai, paano ka nagiging masaya araw-araw?"

Ang sagot ng sempai: "Inaabangan ko kasi lagi yung pagtimpla ko ng kape tuwing umaga."

Nagtaka yung writer. Yun lang? Kape lang? Sumagot ulit yung sempai habang tumatawa, "Kapag may isa kang bagay na inaabangan, kahit gaano kaliit, hindi ba mas masaya na ang araw mo?"

Ang sikolohiya ng maliliit na bagay

Ayon sa librong 'Akireru Hodo Chiisai Shūkan' (Stupidly Small Habits), hindi natin kailangan ng malalaking event para maging masaya. Ang kailangan lang ng utak natin ay maliliit na "tagumpay."

Kapag gumawa ka ng isang napakaliit na bagay—tulad ng pagbasa ng isang page ng libro, o pag-ayos ng isang sulok ng kwarto mo—at natapos mo ito, nakakaramdam ang utak mo ng "Nagawa ko!" Naglalabas ito ng dopamine, yung chemical na nagpapasaya sa atin.

Ito yung tinatawag na "baby steps." Dahil sa naramdaman mong saya, gugustuhin mong gumawa ulit ng isa pang maliit na bagay. Hanggang sa hindi mo namamalayan, marami ka nang nagagawa.

Anong "kape" mo sa buhay-Japan?

Minsan, masyado tayong naka-focus sa malalaking pangarap: yung malaking sahod, yung promotion, yung pag-uwi. Nakakalimutan nating hanapin ang saya sa araw-araw. 😥

Ang mga totoong masayahin na tao ay yung mga gumagawa ng sarili nilang maliliit na "tagumpay" araw-araw. Yung pakiramdam na naitapon mo sa tamang araw yung gomi mo (burnable vs. non-burnable). Yung moment na naka-order ka sa ticket machine nang hindi nagpapanic. O yung simpleng pag-survive sa siksikan sa Yamanote Line nang hindi ka nahilo.

Hindi mo kailangan hintayin ang Pasko para maging masaya. Hanapin mo lang yung maliit na bagay na magbibigay sa'yo ng "Nagawa ko!" para sa araw na ito.