Mag-siesta para Bumata? Utak Mo, Lalaki Raw.

Ang mga taong nag-si-siesta ay may mas malaking utak at 6 na taon na mas bata ang isip, ayon sa bagong science. 🤯

Ang chika ng mga scientist

May bagong study na lumabas mula sa University College London. Sabi ng researcher na si Dr. Victoria Garfield, nalaman nila na ang mga taong may ugaling umidlip sa hapon ay literal na may mas malaking utak. Gaano kalaki? Mga 15 cubic centimeters daw, o halos kasing laki ng isang maliit na plum.

Ayon sa kanila, ito raw ang dahilan kung bakit bumabagal ng hanggang 6 na taon ang pagtanda ng utak. Parang bumalik lang tayo sa pagkabata na pilit pinapatulog sa hapon, pero this time, para sa brain health na ang laban.

So, gaano kahabang idlip?

Ang sikreto raw ay isang maikling idlip na hindi lalagpas ng 30 minuto. Ito 'yung tinatawag na power nap. Sapat na raw 'yan para ma-activate ulit ang brain cells mo at tumalas ang isip paggising. Perfect para sa second half ng work day.

Pero 'pag sumobra ka sa 30 minutes, baka lalo kang maging sabaw o groggy. Ang tawag diyan ay sleep inertia. Kaya kung gusto mo ng mabilisang mental boost, stick to 30 minutes or less. At para daw mapanatili ang effect, kailangan itong gawing habit araw-araw.

Pero teka, paano sa Japan?

Dito na papasok ang problema. Sabi ni Dr. Garfield, ang ideal time para umidlip ay sa gitna ng araw ng trabaho. Halimbawa, sa lunch break.

Kaso, 'yung isang oras na lunch break natin, sakto lang 'yan para bumili at kumain ng bento, pumila sa konbini, o mag-init ng baon. Saan mo isisingit 'yung 30-minute nap? Sa ilalim ng office desk? Sa CR?

Imagine-in mo na lang na sabihin mo sa buchou mo, "Sir, siesta muna ako ng 30 minutes. Para po sa productivity ng kumpanya." Tingnan natin kung anong isasagot niya. 😂 Siguro sa tren na lang pauwi, kahit medyo delikadong lumagpas ka sa bababaan mong istasyon.