Bakit parang exam ang pakikipag-usap sa Japan?

Yung moment na gusto mo na lang manahimik kasi baka may masabi kang mali sa harap ng Hapon.

Yung pakiramdam na parang laging may test

Kilala mo ba yung pakiramdam na ‘to: kaharap mo yung boss mong Hapon, o kaya may bagong senpai sa trabaho, at biglang nag-freeze yung utak mo. "Ano ba dapat kong sabihin?" "Tama ba 'tong keigo ko?" "Baka isipin niya weird ako."

Ayon sa isang libro, 'yan daw yung tinatawag na "test-like feeling". Para kang kumukuha ng exam kung saan bawat salitang bibitawan mo, may score. At siyempre, ayaw nating bumagsak.

Bakit nagiging "exam" ang usapan?

Nagsisimula raw lahat sa takot na mahusgahan. Ayaw nating isipin ng iba na parang wala tayong alam, lalo na dito sa Japan kung saan parang lahat ng galaw mo, may manual. Kaya imbes na maging natural, pinag-iisipan natin nang sobra ang bawat sasabihin.

Kaya pala nauuwi sa pagka-blangko. Hindi dahil sa kulang ka sa vocabulary, kundi dahil sa pressure na kailangan mong ibigay ang "tamang sagot". Nagiging test-taker ka imbes na kausap lang.

Hindi lang ikaw ang nag-e-exam

Eto yung part na medyo masakit pero totoo: hindi lang tayo yung feeling na tine-test. Tayo rin pala, nagbibigay ng test sa iba, kahit hindi natin sinasadya.

Naiisip natin, "Wow, ang galing naman niya mag-Nihongo." O kaya, "Mukhang mahirap pakisamahan 'tong taong 'to." Sa isip natin, binibigyan na natin sila ng grado. Pareho lang pala tayong nagte-test at tine-test, kaya nagiging ganun ka-tense ang atmosphere.

Kaya yung mga tao na sinasabing "nakaka-offend", sila yung madalas magtanong na parang quiz bee o nag-e-expect ng saktong sagot. Ginagawa nilang exam ang isang simpleng kumustahan.

So anong punto?

Wala naman. Charot. Ang punto lang ay hindi naman talaga exam ang pakikipag-usap. Ang goal ay hindi para makakuha ng 100, kundi para lang makilala ang isa't isa.

Kaya siguro minsan, mas masarap pa kausap yung ale sa pinagbibilhan mo ng gulay na tawa lang nang tawa kahit barok pa ang Nihongo mo. Kasi sa kanya, hindi ka kumukuha ng exam. Nakikipag-usap ka lang. 😅