Ang Saizeriya, balak na raw magtaas ng presyo

Yung huling kanlungan ng wallet mo sa Japan, mukhang bibigay na rin sa inflation. 😢

Anyare, Saize?

Biglang tumaas ng 17% ang stocks ng Saizeriya sa isang araw lang. Ang dahilan? Nag-parinig daw kasi ang president nila na baka panahon na para i-adjust ang mga presyo pagdating ng September.

Para sa mga investor, good news 'to. Ibig sabihin, baka mas kumita na ulit ang kumpanya at hindi na sila malugi. Pero para sa ating mga umaasa sa 300-yen Milano Doria at unlimited drink bar... medyo kinabahan tayo doon.

Bakit ngayon lang?

Matagal na kasing tinitiis ng Saizeriya ang pagtaas ng presyo ng mga sangkap at kuryente dahil sa bagsak na yen. In fact, inamin pa nga nila noong April na bababa ang kita nila this year dahil dito, kaya medyo bumagsak din ang stocks nila noon.

Sila na lang ata ang hindi pa masyadong nagtataas ng presyo, kaya naging parang 'savior' ng mga nagtitipid sa Japan. Pero alam mo na, lahat may hangganan. Mukhang umabot na sila sa hangganan na 'yon.

Paalam na ba sa murang Doria?

Ayon sa isang financial analyst, kung magtataas man sila, baka mga 10% lang naman daw, at maiintindihan naman daw ito ng mga customer. Madaling sabihin para sa kanya. 😅

May isa pa silang kino-consider: iba-ibang presyo depende sa lugar. Posibleng mas mahal ang kainan sa Saizeriya sa Tokyo o Osaka kumpara sa mga branch sa probinsya. Fair naman siguro, pero masakit pa rin isipin na baka hindi na 300 yen ang paborito mong doria.

Wala pang pinal na desisyon, kaya abang-abang na lang muna tayo. Ipagdasal na natin ang ating mga wallet.