Inaresto sa Shibuya Dahil Bago ang Residence Card, Hindi Alam ng Pulis

Inaresto sa Shibuya dahil sa "pekeng" residence card na... legit pala at bagong design lang.

Anong nangyari?

Isang umaga sa Shibuya, sa tapat mismo ng Hachiko statue, isang Nepalese na lalaki ang pinahinto ng mga pulis para sa tinatawag na *shokumu shitsumon* o random street questioning.

Ang dahilan daw? Napansin ng mga pulis na tumingin sa kanila 'yung lalaki, tapos biglang tumingin sa sahig. Suspicious na raw 'yun para sa kanila. Parang wala ka na ring ibang choice kundi mahuli 'pag napatingin ka sa kanila.

Ang problema sa ID

Hiningi ng mga pulis ang kanyang residence card (zairyu card). Okay naman 'yung sa kasama niya. Pero 'yung card niya, iba. Kulay pink at purple, at iba rin ang layout. Sabi ng mga pulis: peke 'to.

Giit ng lalaki, kakakuha niya lang ng card mula sa kanyang kumpanya. Pero hindi naniwala 'yung dalawang pulis. Tumawag pa sila ng dalawang detective. Lahat silang apat, iisa ang konklusyon: pekeng ID nga. Kaya doon mismo sa gitna ng isa sa pinaka-abalang lugar sa Japan, inaresto siya.

Ang twist sa police station

Pagdating sa presinto, may isang pang-limang officer na sumilip sa card. 'Yun pala, alam niya ang nangyayari sa mundo. Kinumpirma niyang valid ang card. Isa 'yun sa mga bagong format na sinimulang i-issue ng immigration nitong Hunyo lang.

Ni-release din ang lalaki pagkatapos ng halos isang oras, kasama ang paumanhin ng hepe ng Shibuya precinct. Nagpadala naman daw ang Tokyo Metropolitan Police HQ ng mga anunsyo tungkol sa bagong card. Mukhang hindi lang nabasa ng lahat. 😅