Gov't ng Japan: Hindi na pala "gamot" ang alak

Matagal nang sinasabi ng isang government website sa Japan na “ang alak ang pinakamahusay na gamot.”

Anong nangyari?

Hanggang nitong nakaraang Abril lang, kung papasyalan mo ang website ng National Tax Agency (NTA) ng Japan, mababasa mo sa kanilang section tungkol sa alcohol ang kasabihang ‘yan. Sabi nila, quote lang daw ‘yun. Pero kasunod nito ang paliwanag na nakakatulong daw ang pag-inom sa stress relief, blood circulation, at pampagana kumain. So parang naniniwala rin sila. 😂

Pero binura na nila. Matapos ang maraming taon ng mga pag-aaral na nagsasabing ang tanging healthy amount ng alak ay zero, at matapos makatanggap ng "official request" mula sa Food Safety Commission ng gobyerno. Medyo napilitan lang. Parang hindi nila gagawin kung hindi sinabihan.

Bakit ganun?

Bakit nga ba ang ahensya ng buwis ang nagpo-promote ng alak? Ang sagot ay nag-uugat pa sa Meiji Restoration noong 1868. Kailangan ng gobyerno ng pera para sa malawakang pagbabago ng bansa, at ang buwis sa agrikultura ay hindi stable. Ang sake, sa kabilang banda, ay mas madaling i-store at i-transport, kaya dito sila bumatak ng malaking buwis.

Sa simula ng 20th century, halos one-third ng tax revenue ng Japan ay galing sa sake lang. Kaya naman todo suporta ang gobyerno. Noong World War II, ang NTA ang nagmana sa tungkuling ito. Kahit na 1% na lang ng national tax ang galing sa alak ngayon, sila pa rin ang bahala sa pag-aalaga sa industriya. Isipin mo na lang, parang ang BIR sa Pinas ang official organizer ng San Miguel Oktoberfest.

Sabi ng mga tao

Siyempre, sa panahon ngayon, katawa-tawa na sa marami ang ideyang gamot ang alak. Ito ang sabi ng ilan online.

“Parang lasinggero magsalita ‘yung NTA.”

“Wala talagang katotohanan na may mabuting dulot ang konting alak.”

“Hindi naman masarap. Magaling lang siyang panlinis.”

“Siguro sobrang pangit ng gamot nung nauso yang kasabihan na yan.”

Ang kasabihang “alcohol is the best medicine” ay nagsimula pa sa sinaunang Tsina, sa Book of Han na isinulat noong 200 BC. Iba pa siguro ang konsepto nila ng medisina noon. Tingnan na lang natin kung magpapatuloy ba itong paglayo ng mga tao sa alak. Pero kahit ano pa, hindi maikakaila na naging malaking bahagi ito sa kung ano ang Japan ngayon.