सस्पोरो हत्याकाण्ड: होटल म्यानेजरको टाउको दुखाइ 🫠

सस्पोरोको त्यो 'टाउको नभएको' हत्याकाण्ड भएको होटलको म्यानेजरलाई भूतभन्दा ठूलो डर व्यापार डुब्नुको छ।

के भएको थियो, फेरि एकपटक

तीन वर्षअघि, सन् २०२३ को जुलाईमा, सस्पोरोको सुसुकिनोस्थित एउटा होटलमा टाउको काटिएको अवस्थामा एक पुरुषको शव भेटिएको थियो। त्यो घटनाले जापान नै हल्लायो।

त्यतिबेला होटलका म्यानेजर छुट्टीमा हाकोदातेमा थिए। फोनमा खबर आयो, 'होटलमा एकजना मान्छे लडिरहेको छ, सायद बितिसक्यो।' तर साप्पोरो पुग्दा अवस्था सोचेभन्दा भयानक थियो। पुलिस र एम्बुलेन्सको भीडमा उनले एउटा शब्द सुने जसले आजसम्म पनि झस्काइरहन्छ: 「首がない」(kubi ga nai) — 'टाउको छैन'।

भूतप्रेतभन्दा ठूलो तनाब

अब आउँछ खास कुरा। घटनापछि होटलको व्यापार चौपट भयो। कोरोनाको कहरबाट बल्लतल्ल उठ्न लागेको व्यापार फेरि डुब्यो। आज ३ वर्षसम्म पनि होटलको आम्दानी र ग्राहक संख्या घटनाअघिको भन्दा आधाभन्दा कम छ, र निरन्तर घाटामा चलिरहेको छ। 😩

उनीहरूले घटना भएको कोठाको 'स्पेशल क्लिनिङ' गराए, जापानिज तरिकाले भूतप्रेत भगाउन 'ओहाराई' (お祓い) पूजा पनि गरे। तैपनि ग्राहकहरू आउन डराउँछन्।

त्यसमाथि, घटना पहिलोपटक देख्ने कर्मचारीलगायत अन्यले पनि जागिर छाडेर गए। अहिले नयाँ कर्मचारी पाउन पनि मुस्किल छ। बेचरा म्यानेजर, भूतभन्दा ठूलो चिन्ता त खाली कोठाहरू र बैंक ब्यालेन्सको पो रहेछ।

'कृपया यो घटना बिर्सिदिनुस्'

अचम्मको कुरा त के छ भने, म्यानेजरलाई हत्यारा परिवारप्रति कुनै रिस छैन। उनी भन्छन्, 'जे हुनु भइहाल्यो, हाम्रो पनि कुनै गल्ती थिएन, संयोगले हाम्रो होटल पर्यो। मलाई उनीहरूप्रति कुनै घृणा छैन।'

उनको एउटै चाहना छ: छिटोभन्दा छिटो अदालतको फैसला होस् र मान्छेले यो घटना बिर्सिदिऊन्। ताकि उनको व्यापार फेरि पहिलेकै अवस्थामा फर्कियोस्।

मुख्य अभियुक्तको मुद्दा त अझै सुरु पनि भएको छैन, कहिले फैसला आउने हो पत्तो छैन। त्यसैले गलत हल्ला फैलिनुभन्दा आफैँले सत्य बताउन अन्तर्वार्ता दिएको उनी बताउँछन्। कहिलेकाहीँ जापानमा न्यायभन्दा पनि व्यापार चल्न दिनु ठूलो कुरा हुँदो रहेछ।