जापानमा पहिलो वर्षकै तलब ५० लाख येन? कसले कमाउँछ यति?

जापानमा जागिर परिवर्तन गर्नेहरूको पहिलो वर्षको तलब ५१ लाख येन नाघेको छ रे। यो कुन जापानको कुरा हो? 😵

के हो यो हल्ला?

एउटा भर्खरको रिपोर्टले देखाएको छ कि जापानमा जागिर परिवर्तन (転職 - tenshoku) गर्ने मान्छेहरूको पहिलो वर्षको अनुमानित तलबले नयाँ रेकर्ड बनाएको छ। जुन महिनामा यो औसतमा ५१ लाख २४ हजार येन पुगेको छ रे।

म त आफ्नो गिन्को खातामा बाँकी रहेको ब्यालेन्स हेरेर बसिरहेको थिएँ। यो खबर सुनेर एकछिन त अर्कै ग्रहको कुरा जस्तो लाग्यो। यो नयाँ स्नातकहरूको लागि होइन है, पहिले नै काम गरिरहेका र कम्पनी परिवर्तन गर्नेहरूको लागि हो।

पैसा कमाउनेहरू को हुन्?

सबैभन्दा बढी तलब दिने क्षेत्रहरूमा 'फाइनान्स र बीमा' (金融・保険) पर्छन्, जहाँ औसतमा ६२ लाख येन भन्दा बढी छ। त्यसपछि आउँछ हाम्रो सबैको सपनाको क्षेत्र, 'IT र इन्टरनेट', जहाँ ५९ लाख येनको हाराहारीमा छ।

अनि जागिरको प्रकार हेर्दा त 'IT इन्जिनियर' हरू सबैभन्दा अगाडि छन्, जसको औसत तलब लगभग ६३ लाख येन छ। अब त साथीभाइ जम्मा भएर 'अब के गर्ने होला' भन्दा 'IT इन्जिनियर बनम्' भन्नुपर्ला जस्तो छ। अचम्मको कुरा त के छ भने, अनुभव नभएकाहरूको तलब बढिरहेको छ तर अनुभवीहरूको तलब चाहिँ थोरै घटेको छ रे। कस्तो लोजिक हो यो।

अनि हामी नि?

यी ठूला-ठूला अंकहरू हावामा उडिरहँदा, हामीमध्ये धेरै जना भने आफ्नो दैनिकीमा व्यस्त छौँ। कोही कोन्बिनिमा, कोही रेस्टुरेन्टमा, त कोही फ्याक्ट्रीमा।

आफ्नो कुनै IT मा काम गर्ने साथी छ भने मेन्सन गरेर सोध्नुस् त, "पार्टी कहिले हो?"। जे होस्, आफ्नो पहिलो वर्षको तलब सम्झिँदा त... खै, यो कुरा नगरौं होला।