टोकियोको तलब र अरू ठाउँको तलबमा १५ मान येनको फरक

टोकियो र सबैभन्दा कम तलब भएको प्रान्तको मासिक तलबमा अब १ लाख ५० हजार येनभन्दा बढीको फरक छ।

के भइरहेको छ?

जापानको तलब वृद्धिको कथामा एउटा नयाँ मोड आएको छ। भर्खरको तथ्यांक अनुसार, सन् २०२५ मा टोकियोको औसत मासिक तलब र सबैभन्दा कम तलब भएको क्षेत्रबीचको अन्तर पहिलो पटक १ लाख ५० हजार येन नाघेको छ।

टोकियोमा औसत तलब ४,१८,३०० येन पुग्ने अनुमान छ। अर्कोतर्फ, आओमोरी प्रान्तमा यो २,६३,९०० येन मात्र छ। हिसाब गर्दा, फरक १,५४,४०० येन हुन आउँछ। यस्तो लाग्छ, आओमोरीमा काम गर्नेले टोकियोको साथीको तलब देख्यो भने लामो सास फेर्ला। 😶

यो कथा आओमोरीमा मात्र सीमित छैन। मियाजाकी, यामागाटा, इवाते, आकिता र ओकिनावा जस्ता ठाउँहरूमा पनि टोकियोसँगको तलब अन्तर १ लाख ४० हजार येनभन्दा बढी छ।

किन यस्तो?

विगत दुई वर्षमा जापानमा तलब ५% को दरले बढेको त हो, तर त्यो वृद्धि धेरैजसो "टोकियो केन्द्रित" भएको देखिन्छ। मतलब, तलब बढ्यो, तर प्रायः टोकियोमा मात्रै बढ्यो।

श्रम मन्त्रालयका एक अधिकारी भन्छन्, "ठूला कम्पनीहरू सहरी क्षेत्रमा केन्द्रित भएकाले यस्तो भएको हुनसक्छ।" यो त हामी सबैलाई थाहा भएकै कुरा हो नि, हैन र?

यसको सिधा असर के हो भने, कम तलब भएका क्षेत्रबाट मानिसहरू बाहिरिँदैछन्। मान्छेहरू पैसा कमाउन सकिने ठाउँमा बसाइँ सर्नु कुनै अचम्मको कुरा पनि त होइन।

जे होस्, टोकियोलाई बधाई छ।