जापानी पुरुषले खोज्ने 'असल महिला' का ५ गुण

जापानी पुरुषहरूका अनुसार 'असल महिला' को परिभाषा यस्तो पो रहेछ...

जापानको एक डेटिङ एप, 'ह्याप्पी मेल' ले हालै १०० जना पुरुषमा एउटा सर्वेक्षण गरेको थियो। विषय थियो: तपाईंको विचारमा 'असल महिला' (ii onna) भनेको के हो?

नतिजाले देखायो कि ७४% पुरुषहरूले आफ्नो वरिपरि, जस्तै काम गर्ने ठाउँ वा साथीभाइमा, कम्तिमा एक जना 'असल महिला' चिनेको बताए। यसको मतलब, 'असल महिला' कुनै काल्पनिक पात्र होइन, हाम्रै वरिपरि हुन्छन् भन्ने उनीहरूको निष्कर्ष थियो।

'असल महिला' को परिभाषा

त्यसोभए पुरुषहरूको नजरमा 'असल महिला' हुनलाई के-के गुणहरू चाहिने रहेछ त? सर्वेक्षणबाट ५ मुख्य विशेषताहरू बाहिर आए:

१. अरूको ख्याल राख्ने (Kikubari): जापानमा यो गुणलाई निकै महत्त्व दिइन्छ। अरूलाई अप्ठ्यारो नहोस् भनेर सानो-सानो कुरामा ध्यान दिन सक्ने महिलालाई पुरुषहरूले मन पराउने रहेछन्।

२. आफ्नो विचारमा अडिग रहने: अरूमाथि निर्भर नहुने, आफ्नै खुट्टामा उभिन सक्ने र आफ्नो छुट्टै सोच र पहिचान भएकी।

३. दयालु स्वभाव: सबैैसँग राम्रो व्यवहार गर्ने, हँसिलो र सहयोगी भावना भएकी।

४. शालीन र आकर्षक (Hin no aru iroke): यो अलि गाह्रो शब्द छ। यसको मतलब हो, उच्छृङ्खल नदेखिईकन आकर्षक देखिनु। शालीनतासँगै आउने सुन्दरता।

५. मनमोहक मुस्कान: बनावटी नभई, प्राकृतिक र सुन्दर मुस्कान भएकी। जसको साथमा बस्दा सहज महसुस हुन्छ।

पुरुषहरूले के भने त?

यी विशेषताहरूमा पुरुषहरूले दिएका केही जवाफहरू रमाइला थिए।

'अरूको ख्याल राख्ने' बारेमा एकजनाले भने, "जो अरूको बारेमा सोच्छ र त्यो व्यवहारमा पनि देखिन्छ, तर देखाउनको लागि होइन।"

'शालीन र आकर्षक' को बारेमा एउटा जवाफ त सिधै थियो: "उनीमा शालीनता छ। र आकर्षण पनि छ।" कति सिधा कुरा!

'मनमोहक मुस्कान' को बारेमा एकजनाले भने, "जसको मुस्कान प्राकृतिक र सुन्दर छ।" अर्काले थपे, "हाँसिरहने र साथमा बस्दा आनन्द आउने।"

लौ, अब आफ्ना साथीहरूलाई ट्याग गरेर सोध्नुहोस्, यो सूचीमा कुन-कुन गुण मिल्छ? 😂