जापानमा बोनसको वर्षा: १० लाख येन!

जापानका ठूला कम्पनीहरूले १० लाख येनभन्दा बढी बोनस पाइरहेका छन्, यता आफ्नो भने... 🥲

कुरो के हो?

जापानको व्यापार महासंघ (Keidanren) को एउटा रिपोर्टले हल्लीखल्ली मच्चाएको छ। ठूला कम्पनीहरूमा काम गर्ने कर्मचारीहरूले यो गर्मीमा औसतमा १० लाख ८ हजार ७०६ येन बोनस पाएका छन् रे! यो सन् १९८१ यताकै सबैभन्दा उच्च रकम हो।

यो सुनेर एकछिन त आफ्नै कोठाको भाडा कति महिना तिर्न पुग्छ भनेर हिसाब गर्न मन लाग्यो। यो रकमले त मेरो सानो अपार्टमेन्टको एक वर्षको भाडा तिरेर पनि कोन्बिनिको सबैभन्दा महँगो ओनिगिरी किनेर खान पैसा बच्छ होला।

अनि हाम्रो नि?

एकछिन है, सपनाको संसारबाट बाहिर निस्कौँ। यो बोनस ५०० जनाभन्दा बढी कर्मचारी भएका ठूला कम्पनीहरूका लागि मात्र हो। हाम्रो जस्तो पार्ट-टाइम काम गर्दै, भाषा स्कुल धाउँदै गरेको जिन्दगीमा त यस्तो खबर अर्कै ग्रहको जस्तो लाग्छ।

हाम्रो बोनस भनेको सायद म्यानेजरले खुसी भएर दिने ५०० येनको को-कार्ड (Quo Card) होला। हुन त सबै ठूला कम्पनीमा पनि उस्तै छैन। गाडी बनाउने कम्पनीहरुको बोनस घटेको छ भने, खाना र धातुसम्बन्धी कम्पनीहरुको बोनस ह्वात्तै बढेको छ।

अब के त?

फेरि, यो प्रारम्भिक रिपोर्ट मात्र हो। अन्तिम रिपोर्ट अगस्टमा आउँदा यो रकम अलि घट्ने चलन छ। त्यसैले अहिले नै धेरै उत्साहित भैहाल्नुपर्दैन।

जे होस्, जसले पाउनुभयो, उहाँहरूलाई बधाई छ। हामी बाँकीको लागि त सुपरमार्केटमा साँझ परेपछि बेन्तोमा लाग्ने ५०% छुट नै सबैभन्दा ठूलो बोनस हो।