दिउँसो सुत्नुस्, दिमाग ६ वर्ष जवान हुन्छ रे

दिउँसो सुत्ने मान्छे अल्छी होइन, बरु दिमाग तेज भएको र ६ वर्ष जवान हुन्छ रे! 🧠

कुरो के हो?

लन्डनको एक विश्वविद्यालयले भर्खरै एउटा गजबको अनुसन्धान गरेको छ। उनीहरुका अनुसार, जो मानिसहरु दिनमा थोरै समय सुत्छन्, उनीहरुको दिमाग नसुत्नेको भन्दा ठूलो हुन्छ। कति ठूलो भन्दा, लगभग १५ घन सेन्टिमिटरले।

यो भनेको तपाईंको दिमागमा लाखौं नयाँ कोशिका र स्नायु जडानहरू थपिनु हो। यसले गर्दा तपाईंको दिमाग अरुको भन्दा ६ वर्षले जवान रहन्छ। सोच्नुस् त, अब दिउँसो सुत्दा कसैले गाली गर्यो भने के जवाफ दिने! 😉

कति सुत्ने त?

अब मुख्य कुरा, कति सुत्ने? अनुसन्धान भन्छ, सबैभन्दा उत्तम भनेको ३० मिनेटभित्रको निद्रा हो। त्योभन्दा बढी सुत्यो भने झन् झुम्म भएर काम गर्न मन नलाग्न सक्छ।

३० मिनेटको निद्राले चाहिँ दिमागलाई तत्काल फ्रेस बनाउँछ र सोच्ने शक्ति बढाउँछ। तर यो फाइदा लामो समय टिक्दैन, त्यसैले हरेक दिन छोटो निद्रा लिनु राम्रो हुन्छ। अनुसन्धान गर्ने डाक्टरलाई सोधियो, "कामको बेला ३० मिनेट कसरी निकाल्ने?" उनको जवाफ पनि रमाइलो थियो, "आधा काम सकेपछि लन्च ब्रेकमा सुत्नुस्।" जापानमा! सोच्न पनि सकिँदैन।

अनि जापानमा यो कसरी सम्भव छ?

हो, हामी सबैको मनमा यही प्रश्न छ। यहाँको लन्च ब्रेक भनेको कि त कोन्बिनिको ओनिगिरी हतार-हतार खाने, कि त टेबलमै बसेर खानु हो। छुट्टै सुत्ने कोठा र समय कहाँबाट ल्याउनु?

ती डाक्टरले त भनिन्, "कम्पनीको अध्यक्षलाई यो अनुसन्धान देखाएर मनाउन सकिन्छ कि?" अनि आफैं हाँस्दै भनिन्, "सायद गाह्रो छ। यसको लागि समय लाग्छ।"

हो, सायद हाम्रो नाति-नातिनाको पालासम्ममा जापानका कम्पनीहरूले यो कुरा बुझ्लान्।