ဂျပန်ဗီဇာကြေး အကြီးအကျယ်တက်မယ်၊ ပြင်ထားကြတော့

ဂျပန်မှာနေထိုင်ခွင့် သက်တမ်းတိုးကြေးတွေ အဆပေါင်းများစွာ တက်တော့မယ်တဲ့၊ အမြဲတမ်းနေထိုင်ခွင့် (PR) က ယန်း ၂ သိန်းအထိ ဖြစ်သွားနိုင်တယ်။

ဘာတွေဖြစ်ကုန်တာလဲ

ခုလောလောဆယ် တို့တွေ ဗီဇာသက်တမ်းတိုးရင်၊ status ပြောင်းရင် ပုံမှန် ယန်း ၆၀၀၀ ပဲ ပေးရတာလေ။ အဲ့ဒီခေတ်က ကုန်တော့မယ်နဲ့တူတယ်။ လူဝင်မှုကြီးကြပ်ရေးက အဆိုပြုလိုက်တဲ့ စနစ်သစ်အရ ဗီဇာသက်တမ်းအလိုက် ဈေးနှုန်းတွေ ပြောင်းသွားတော့မှာပါ။

အဆိုပြုချက်ထဲမှာတော့ သက်တမ်း "၃ လအောက်" ဆို ယန်း ၁၀,၀၀၀၊ "၁ နှစ်" ဆို ယန်း ၃၃,၀၀၀၊ "၅ နှစ်နဲ့အထက်" ဆို ယန်း ၇၅,၀၀၀ တဲ့။ online ကနေ လျှောက်ရင်တော့ နည်းနည်း သက်သာမယ်ပြောတယ်။

အဓိက အကြီးဆုံးပြောင်းလဲမှုကတော့ အမြဲတမ်းနေထိုင်ခွင့် (Permanent Resident) ပါပဲ။ အရင်က ယန်း ၁၀,၀၀၀ ကနေ အခု ယန်း ၂၀၀,၀၀၀ (သိန်း ၂၀) ကို တန်းပြီးခုန်တက်သွားမှာတဲ့။ ကားတစ်စီး ဒေါင်းငွေချလို့ရနေပြီ။ 🥲

ဘာလို့ဒီလောက်တက်ရတာလဲ

အစိုးရရဲ့ ရှင်းပြချက်ကတော့ ဒီလိုဗျ။ သူတို့အဆိုအရ လူတစ်ယောက်ရဲ့ စာရွက်စာတမ်းကို စစ်ဆေးဖို့ ကုန်ကျစရိတ် (ဝန်ထမ်းစရိတ်၊ ရုံးခန်းစရိတ်) က ယန်း ၁၀,၀၀၀ လောက်ရှိတယ်။ ပြီးတော့ နိုင်ငံခြားသားတွေနဲ့ ပတ်သက်တဲ့ မူဝါဒတွေအတွက် ကုန်ကျငွေကို ဂျပန်မှာရှိတဲ့ နိုင်ငံခြားသားဦးရေနဲ့ စားလိုက်တော့ တစ်ယောက်ကို တစ်နှစ် ယန်း ၂၀,၀၀၀ လောက် ကျသင့်တယ်တဲ့။

အဲ့ဒီတော့ အဲ့ဒီနှစ်ခုကိုပေါင်းပြီး တွက်လိုက်တာတဲ့လေ။ ဥပမာ ၅ နှစ်ဗီဇာဆိုရင် သူတို့တွက်နည်းအရ ယန်း ၁၁၀,၀၀၀ လောက်ဖြစ်ရမှာ။ ဒါပေမယ့် ကောက်မှာက ယန်း ၇၅,၀၀၀ ဆိုတော့ ဘယ်လိုတွက်ချက်ထားလဲတော့ ကျွန်တော်တို့လည်း သိပ်နားမလည်တော့ဘူး။

ဒီလိုဈေးတွေတက်လိုက်ရင် တစ်နှစ်ကို ယန်း ဘီလီယံ ၆၉ ကနေ ၉၂ လောက်ထိ ဝင်ငွေပိုရလာမယ်လို့ မှန်းထားတယ်။ အဲ့ဒီရတဲ့ငွေတွေကို နိုင်ငံခြားသားတွေရဲ့ ကိစ္စတွေမှာပဲ ပြန်သုံးသွားမယ်လို့တော့ ပြောထားတာပဲ။

ဘယ်တော့စမှာလဲ၊ ဘာလုပ်လို့ရလဲ

ဒီအပြောင်းအလဲကို လာမယ့် အောက်တိုဘာလ ၁ ရက်နေ့မှာ စတင်ကျင့်သုံးချင်တယ်လို့ သိရပါတယ်။ မကြာခင်မှာတော့ ပြည်သူလူထုဆီက သဘောထားမှတ်ချက်တွေ ကောက်ခံသွားမယ်လို့ ဆိုပါတယ်။

ပြောချင်တာတွေရှိရင် အဘိဓာန်ကောင်းကောင်းလေးနဲ့ ပြင်ဆင်ထားဖို့ အချိန်ရောက်ပါပြီ။ အခုကစပြီး ဗီဇာသက်တမ်းတိုးဖို့အတွက် ပိုက်ဆံသီးသန့် စုထားရတော့မယ်ထင်တယ်။