ယန်း ၁၀၀ ဆိုင်မှာ တစ်လ ယန်း ၁ သောင်း သုံးတာ ချွေတာရာကျလား

ဇနီးက 'ချွေတာတယ်' ဆိုပြီး ယန်း ၁၀၀ ဆိုင်မှာပဲ အသုံးအဆောင်အကုန်ဝယ်တယ်၊ ဒါပေမဲ့ တစ်လကို ယန်း ၁ သောင်းလောက်သုံးနေတာက ပိုဈေးကြီးနေလား။

ဂျပန်က ခင်ပွန်းတစ်ယောက်ကတော့ အဲ့ဒီလိုတွေးပြီး မေးခွန်းထုတ်လာတယ်။ ယန်း ၁၀၀ ဆိုင်က ပစ္စည်းတိုင်း ယန်း ၁၁၀ ဆိုတော့ ဈေးပေါတယ်လို့ ထင်ရပေမယ့်၊ တကယ်က ထောင်ချောက်တစ်ခုလိုပါပဲ။

ဥပမာ၊ A4 စာရွက်ဆိုပါစို့။ ယန်း ၁၀၀ ဆိုင်မှာ စာရွက် ၁၀၀ ကို ယန်း ၁၁၀ (တစ်ရွက်ကို ၁.၁ ယန်း)။ ဒါပေမယ့် Home Center တွေမှာ စာရွက် ၅၀၀ ပါ တစ်ထုပ်ကို ယန်း ၃၅၀ လောက်နဲ့ရတယ် (တစ်ရွက်ကို ၀.၇ ယန်းပဲကျတယ်)။

အလူမီနီယံဖလင်ပြားက ပိုဆိုးတယ်။ ယန်း ၁၀၀ ဆိုင်မှာ တစ်မီတာကို ၁၁ ယန်းလောက်ကျတယ်။ Home Center မှာ အလိပ်လိုက်ကြီးဝယ်ရင် တစ်မီတာ ၆-၇ ယန်းပဲရှိတယ်။ နှစ်ဆလောက်ကွာနေတာပါ။

ဖုန်းအားသွင်းကြိုးတို့လို ပစ္စည်းတွေကလည်း ဈေးပေါပေမယ့် အရည်အသွေးစိတ်မချရတာ၊ fast charging မရတာတွေ ရှိနိုင်တယ်။ ကိုယ့်ဖုန်းကိုတောင် ဒုက္ခပေးနိုင်သေးတယ်။

ဆိုတော့ ယန်း ၁၀၀ ဆိုင်မှာ တစ်လကို ယန်း ၁ သောင်းသုံးတာများလားဆိုတာ အသုံးအဖြုန်းဖြစ်တယ်လို့ တန်းပြောလို့မရပါဘူး။

ပြောချင်တာက ယန်း ၁၀၀ ဆိုင်က မကောင်းဘူးလို့မဟုတ်ဘူး။ တကယ်လိုအပ်လို့လား၊ အရေအတွက်နဲ့ ဈေးနှုန်းနဲ့ တန်ရဲ့လားဆိုတာကို အရင်စဉ်းစားဖို့ပဲ။