အသက်ထက်နုချင်သူတွေအတွက် လျှို့ဝှက်ချက်

ဂျပန်က ဆရာဝန်တစ်ယောက်ပြောတဲ့ အသက်ဘယ်လောက်ကြီးကြီး နုပျိုနေစေမယ့် နည်းလမ်းက တစ်ခုတည်းပဲရှိတယ်တဲ့။

သူများတွေ နုပျိုနေကြတဲ့ အကြောင်းရင်း

အသက်ကြီးလာပေမယ့် နုပျိုလန်းဆန်းနေတဲ့လူတွေကို ကြည့်ပြီး အားကျဖူးလား။ သူတို့ ဘာဆေးတွေများ သုံးနေလဲ၊ ဘယ်လို skin care နေလဲလို့ ကျွန်တော်လည်း အမြဲတွေးမိတယ်။ ဒါပေမဲ့ ဂျပန်က ဆရာဝန်ကြီးတစ်ယောက်ဖြစ်တဲ့ Dr. Gabrielle Lyon ရေးထားတဲ့ စာအုပ်ထဲမှာတော့ အဖြေက တကယ်ကို ရိုးရှင်းနေပါတယ်။

အထူးတလည် နည်းလမ်းတွေ ဘာမှမရှိပါဘူးတဲ့။ မှန်ကန်တဲ့ အစားအသောက်နဲ့ ပုံမှန်လေ့ကျင့်ခန်းလုပ်ခြင်း၊ ဒီနှစ်ခုကို နေ့စဉ် စွဲစွဲမြဲမြဲလုပ်တာပါပဲတဲ့။ နုတယ်ဆိုတာ အသားအရေလှရုံတင် မဟုတ်ဘဲ ခန္ဓာကိုယ် အတွင်းပိုင်းက ကြွက်သားတွေ၊ ကိုယ်နေဟန်ထားတွေကနေ ထွက်ပေါ်လာတဲ့ ကျန်းမာတဲ့အလှမျိုးကို ဆိုလိုတာပါတဲ့။

ဒီမှာ လိုက်လုပ်ဖို့ကတော့…

ဆရာဝန်ကြီးကတော့ လိုက်နာရမယ့် အချက် ၃ ချက်ကို ပြောထားတယ်။ အသင့်စား အထုပ်တွေ (ultra-processed food) ရှောင်၊ လတ်ဆတ်တဲ့ အသီးအရွက်၊ အသားငါးတွေပဲစား၊ စားတဲ့အစာကို ချိန်ခွင်နဲ့ချိန်စားပါတဲ့။ ဟုတ်ကဲ့ပါ...။ တစ်နေ့လုံး အလုပ်လုပ်ပြီး မိုးချုပ်မှ အိမ်ပြန်ရောက်တဲ့အခါ FamilyMart က ဖာမီချီကီလေးက လက်ပြခေါ်နေတာကို ဘယ်လိုလျစ်လျူရှုရမလဲ။ 🍱

နောက်ပြီး လေ့ကျင့်ခန်းအနေနဲ့ တစ်ပတ်ကို မိနစ် ၁၅၀ ပြင်းပြင်းထန်ထန် လှုပ်ရှားမှုလုပ်၊ တစ်ပတ် ၃-၄ ရက် အလေးမ၊ တစ်ရက် HIIT ကစားပါတဲ့။ ရထားချိန်မီအောင် ပြေးရတာတို့၊ ဘိုက်တိုမှာ ၈ နာရီ မတ်တပ်ရပ်ရတာတို့၊ ဈေးကပြန်ရင် အလေးကြီးတွေဆွဲရတာတို့ ထည့်တွက်လို့ရရင်တော့ အဆင်ပြေမှာပါ။ 😂

အဓိကပြောချင်တာက

စာအုပ်ထဲမှာ ရေးထားတာက အဆိုးဆုံးအကျင့်ကတော့ “ဘာလေ့ကျင့်ခန်းမှ မလုပ်ခြင်း” ပါပဲတဲ့။

ဒီတော့ နေ့တိုင်း အလုပ်သွားအလုပ်ပြန် လမ်းလျှောက်နေရတာ၊ လှေကားတွေ တက်လိုက်ဆင်းလိုက် လုပ်နေရတာတွေကလည်း ဘာမှမလုပ်တာထက်တော့ သာတာပေါ့နော်။ ဒီကြားထဲ အချိန်နဲ့ ပိုက်ဆံပိုလျှံရင်တော့ ဂျင်မ်လေးဘာလေး သွားပြီး နုအောင်လုပ်တာပေါ့။ သူငယ်ချင်းတစ်ယောက်ကို tag ခေါ်ပြီး အားတင်းထားလိုက်ဦး။