ချွေးနံ့ကနေ လူတစ်ယောက်ရဲ့ စိတ်ဖိစီးမှုကို သိနိုင်တယ်တဲ့လား။

စိတ်ဖိစီးမှုများတဲ့အခါ ထွက်တဲ့ \"stress smell\" ကြောင့် သင့်သူငယ်ချင်းက သင့်ကို ရှောင်နေနိုင်တာ သင်သိပါသလား။ 👃

ချွေးနံ့နဲ့ စရိုက်လက္ခဏာ

လူတစ်ယောက်ရဲ့ ကိုယ်နံ့ကနေ သူ့ရဲ့ စရိုက်ကို ခန့်မှန်းလို့ရတယ်လို့ စိတ်ပညာရှင်တွေက ဆိုပါတယ်။ ဟုတ်ပါ့မလားလို့တော့ ထင်စရာပါ။ ဒါပေမယ့် ဒီအဆိုကို ထောက်ခံတဲ့ သုတေသနတစ်ခု တကယ်ရှိခဲ့ပါတယ်။

ပိုလန်နိုင်ငံက တက္ကသိုလ်တစ်ခုမှာ လူ ၅၀ ကို အနံ့မပါတဲ့ဆပ်ပြာနဲ့ ရေချိုးခိုင်းပြီးနောက် သူတို့ရဲ့ ချိုင်းအောက်မှာ ဂွမ်းပြားတွေကို ၁၂ နာရီကြာ ကပ်ထားခိုင်းခဲ့ပါတယ်။ အဲ့ဒီနောက် ဂွမ်းပြားတွေကို ကလေးတွေနဲ့ လူကြီးတွေကို အနံ့ခံခိုင်းပြီး ဂွမ်းပြားပိုင်ရှင်က ဘယ်လိုလူမျိုးဖြစ်မလဲ ခန့်မှန်းခိုင်းခဲ့ပါတယ်။

ရလဒ်ကတော့ အံ့ဩစရာပါပဲ။ လူကြီးတွေရော ကလေးတွေပါ အနံ့ခံရုံနဲ့ ဘယ်သူက စိတ်ရှုပ်လွယ်တယ်၊ စိုးရိမ်စိတ်များတယ်ဆိုတာကို မှန်အောင်ခန့်မှန်းနိုင်ခဲ့ကြတယ်။

စိတ်ဖိစီးမှုက အနံ့ထွက်တတ်တယ်

ဘာလို့လဲဆိုတော့ စိတ်ဓာတ်ကျလွယ်ပြီး စိုးရိမ်စိတ်များတဲ့သူတွေဟာ တခြားသူတွေထက် စိတ်ဖိစီးမှုကြောင့် ချွေးပိုထွက်တတ်လို့ပါပဲ။ ဒီချွေးမှာပါတဲ့ ဓာတုပစ္စည်းတွေက ထူးခြားတဲ့အနံ့ကို ဖြစ်စေပါတယ်။

ဂျပန်မှာဆိုရင် ဒီအနံ့ကို 'Stress Smell' (ストレス臭) လို့တောင် ခေါ်ကြပါတယ်။ ကြက်သွန်မြိတ်နံ့လိုလို၊ တစ်ခုခုလောင်ကျွမ်းနေတဲ့အနံ့လိုလို သိပ်တော့မမွှေးပါဘူး။

Yamanote Line ရထားပေါ်မှာ လူတွေကြပ်ညပ်နေတဲ့အချိန် ဒါမှမဟုတ် အလုပ်မှာ စိတ်ညစ်စရာကြုံပြီးနောက် ကိုယ့်ဆီက ဒီလိုအနံ့တွေ ထွက်နေမလားလို့ သင်စိုးရိမ်ဖူးပါသလား။ 😂 ကိုယ့်သူငယ်ချင်းဆီက ဒီလိုအနံ့ရရင်