ဂျပန်မှာ အလုပ်ချိန်ပိုလုပ်ချင်တဲ့လူတွေ? တကယ်ရှိတယ်နော်

ဂျပန်မှာ လူတစ်ချို့က 'အလုပ်ချိန်တွေ နည်းနေသေးတယ်၊ ပိုလုပ်ချင်တယ်' လို့ ပြောနေကြတယ်တဲ့ဗျာ။ 🤔

တကယ်လားဗျာ?

တိုကျိုတက္ကသိုလ်ရဲ့ စစ်တမ်းတစ်ခုအရ ဂျပန်မှာ အလုပ်လုပ်နေတဲ့သူတွေကို 'အလုပ်ချိန်နဲ့ပတ်သက်ပြီး ဘယ်လို သဘောထားရှိလဲ' မေးကြည့်ကြသတဲ့။ အများစုကတော့ 'အခုအတိုင်းပဲ ကောင်းပါတယ်' ဒါမှမဟုတ် 'အလုပ်ချိန်တွေ လျှော့ချင်တယ်' လို့ ဖြေကြတာပေါ့။ ဒါကတော့ ကျွန်တော်တို့အားလုံးလိုပါပဲ။

ဒါပေမဲ့ အံ့ဩစရာက လူနည်းစုတစ်စုက 'အလုပ်ချိန်တွေ ပိုပြီး လုပ်ချင်တယ်' လို့ ဖြေခဲ့ကြတာပဲ။ အမျိုးသား ၃% နဲ့ အမျိုးသမီး ၆% ဆိုတော့ အရေအတွက်အားဖြင့်တော့ သိပ်မများပါဘူး။ ဒါပေမဲ့ ဒီလိုလူမျိုးတွေ တကယ်ရှိနေတာကိုက နည်းနည်းတော့ ထူးဆန်းနေပြီ။

ဘယ်သူတွေလဲ အဲ့လူတွေ?

အဲ့တော့ အလုပ်ချိန်ပိုလုပ်ချင်ပါတယ်ဆိုတဲ့ သူရဲကောင်းတွေက ဘယ်သူတွေလဲဆိုတာ စပ်စုကြည့်လိုက်တော့ ရုံးဝန်ထမ်းအမြဲတမ်း (正社員) သမားတွေ မဟုတ်ကြဘူးဗျ။ သူတို့ထဲကမှ ၁-၂% ပဲ အလုပ်ချိန်ပိုလုပ်ချင်တယ် ဖြေကြတာ။ ဟုတ်မှာပေါ့၊ သူတို့မှာကိုပဲ အလုပ်တွေက ပုံနေတာပဲကိုး။

တကယ်တမ်း အလုပ်ချိန်ပိုလုပ်ချင်နေကြတာက အချိန်ပိုင်း (パート) နဲ့ စာချုပ်ဝန်ထမ်း (派遣) တွေဖြစ်နေတယ်။ သူတို့ထဲက ၁၂-၁၃% လောက်က ဝင်ငွေပိုရဖို့ အလုပ်ချိန်ပိုလိုအပ်နေကြတာပါ။ တစ်ကိုယ်ရေဝင်ငွေနည်းလေလေ၊ အလုပ်ပိုလုပ်ချင်လေလေ ဖြစ်နေတာကို တွေ့ရတယ်။ ဂျပန်ရဲ့ နေထိုင်စားရိတ်နဲ့ဆိုတော့လည်း အလုပ်ပိုလုပ်ပြီး ပိုက်ဆံပိုရှာချင်ကြတာ သဘာဝကျပါတယ်။

နောက်တော့ ဘာဆက်ဖြစ်လဲ

ပိုပြီးစိတ်ဝင်စားဖို့ကောင်းတာက အရင် ၂ နှစ်က 'အလုပ်ချိန်ပိုလုပ်ချင်တယ်' လို့ ဖြေခဲ့တဲ့သူတွေကို ပြန်လိုက်ကြည့်တဲ့အခါမှာ အမျိုးသမီးတွေက တကယ်ပဲ အလုပ်ချိန်တွေ ပိုရလာကြတာကို တွေ့ရတယ်။

အမျိုးသားတွေက တစ်လကို ပျမ်းမျှ ၅.၁ နာရီပဲ အလုပ်ချိန်ပိုတိုးလာချိန်မှာ၊ အမျိုးသမီးတွေကတော့ တစ်လကို ပျမ်းမျှ ၁၉.၄ နာရီအထိ တိုးလာခဲ့တယ်။ ဘာလို့လဲဆိုတော့ အဲ့ဒီလို အလုပ်ပိုလုပ်ချင်တဲ့ အမျိုးသမီးတွေထဲက ၂၇.၇% ဟာ အချိန်ပိုင်းအလုပ်ကနေ ဝန်ထမ်းအမြဲတမ်း (正規雇用) အဖြစ် ပြောင်းလဲခန့်အပ်ခံခဲ့ရလို့ပါပဲ။ လိုချင်ရင်တော့ ကြိုးစားရင် ဖြစ်နိုင်တယ်ဆိုတဲ့ သက်သေပါပဲ။