ဂျပန်မှာ အခွန်မဆောင်ရဘဲ အကျိုးခံစားခွင့်တွေပါ ရနိုင်တယ်

ဂျပန်ရဲ့ ရှုပ်ထွေးတဲ့ အခွန်စနစ်မှာ ဝင်ငွေနည်းသူတွေအတွက် ကင်းလွတ်ခွင့်တွေ ရှိနေတာ သင်သိပြီးပြီလား။

ဒါက ဘာအကြောင်းလဲ

ဂျပန်မှာ သတင်းတွေထဲ ခဏခဏ ကြားနေရတဲ့ “住民税非課税世帯” (jūminzei hikazei setai) ဆိုတဲ့ စကားလုံးရှိတယ်။ အဓိပ္ပာယ်ကတော့ အိမ်ထောင်စုတစ်စုလုံးရဲ့ ဝင်ငွေက အစိုးရသတ်မှတ်ထားတဲ့ ပမာဏအောက်နည်းနေလို့ နေထိုင်ခွင့်ခွန် (residence tax) ပေးစရာမလိုတဲ့ အိမ်ထောင်စုကို ခေါ်တာပါ။

အရင်တုန်းက အစိုးရက ပေးတဲ့ ထောက်ပံ့ကြေးတွေ ရဖူးတယ်မလား။ အဲ့ဒါတွေက ဒီလိုအိမ်ထောင်စုတွေကို ဦးတည်ပြီး ပေးတာများတယ်။ ကျွန်တော်တို့လို နိုင်ငံခြားသားတွေအတွက်တော့ ဒီအခေါ်အဝေါ်က နားလည်ရနည်းနည်းခက်ပြီး ကိုယ်နဲ့မဆိုင်ဘူးလို့ ထင်နိုင်ပေမယ့် တကယ်တော့ သိထားသင့်တဲ့ အကြောင်းအရာတစ်ခုပါ။

ဘယ်လိုလူတွေ အကျုံးဝင်လဲ

ဝင်ငွေ ဘယ်လောက်အောက်ဆိုရင် ဒီအမျိုးအစားထဲမှာ ပါမလဲဆိုတာက ကိုယ်နေတဲ့မြို့၊ အိမ်ထောင်စုမှာ လူဘယ်နှစ်ယောက်ရှိလဲ ဆိုတာတွေပေါ် မူတည်ပြီး ရှုပ်ရှုပ်ထွေးထွေးတွေတော့ ရှိတယ်။ ဒါပေမယ့် ခြုံပြောရရင် တစ်ကိုယ်တည်းသမားတစ်ယောက်က တစ်နှစ်လုံး အလုပ်လုပ်တာတောင် ဝင်ငွေက ယန်းတစ်သန်း (1 million yen) လောက်ပဲ ရှိတယ်ဆိုရင် ဒီထဲပါဝင်ဖို့ အခွင့်အရေးများပါတယ်။

အလုပ်ကပင်ပန်း၊ နားရက်မရှိ လုပ်နေရပေမယ့် တစ်နှစ်စာဝင်ငွေရှင်းတမ်း ပြန်ကြည့်လိုက်မှ “ဟင်… ဒီလောက်ပဲလား” ဆိုပြီး အံ့ဩသွားတတ်တဲ့ သူငယ်ချင်းတွေကို tag ခေါ်လိုက်ပါဦး။ 😂 ဒီအခွင့်အရေးက သူတို့အတွက် ဖြစ်နေနိုင်တယ်။

ဘာအကျိုးကျေးဇူးတွေ ရနိုင်သလဲ

ကဲ… ဝင်ငွေနည်းတော့ စိတ်ညစ်စရာလို့ မထင်လိုက်နဲ့ဦး။ ဒီလို “အခွန်ကင်းလွတ်ခွင့်ရ အိမ်ထောင်စု” ဖြစ်သွားရင် အောက်ကလို အကျိုးခံစားခွင့်တွေ ရနိုင်သေးတယ်။

* 国民健康保険 (Kokumin Kenko Hoken) အာမခံကြေးကို ၇၀%၊ ၅၀% ဒါမှမဟုတ် ၂၀% လျှော့ပေးတယ်။

* 国民年金 (Kokumin Nenkin) ပင်စင်ကြေးကို အပြည့်အဝ ဒါမှမဟုတ် တစ်စိတ်တစ်ပိုင်း ကင်းလွတ်ခွင့် ဒါမှမဟုတ် နောက်ဆုတ်ပြီး ပေးသွင်းခွင့်ရတယ်။

* အသက် ၀-၂ နှစ်အရွယ် ကလေးတွေအတွက် 保育料 (hoikuryō) ခေါ်တဲ့ ကလေးထိန်းကျောင်းစရိတ် အခမဲ့ဖြစ်မယ်။

* တက္ကသိုလ်၊ ကောလိပ်တက်မယ့်သူတွေအတွက် ကျောင်းလခ ကင်းလွတ်ခွင့်/လျှော့ပေါ့ခွင့်နဲ့ ပြန်ဆပ်စရာမလိုတဲ့ ပညာသင်ဆုတွေ ရနိုင်တယ်။

ဂျပန်ကတော့ ဒီလိုပဲ။ စည်းမျဉ်းတွေက ရှုပ်ထွေးလွန်းလို့ ကိုယ်နဲ့ဆိုင်တဲ့ အခွင့်အရေးကိုတောင် ကိုယ်တိုင်မသိဘဲ လွဲသွားတတ်တယ်။