တိုကျိုတိုက်ခန်းတစ်ခန်း ယန်း သန်း ၁၀၀ ကျော်သွားပြီ

တိုကျိုအလယ်ခေါင်က ယန်း သန်း ၁၀၀ ကျော်တန် တိုက်ခန်းတွေတောင် ဝယ်သူမရှိလို့ ဈေးလျှော့ရောင်းနေရတယ်လို့ ဆိုပါတယ်။

ဘာတွေဖြစ်နေတာလဲ

ဟုတ်ပါတယ်။ ဈေးတွေကတော့ တက်နေတုန်းပါပဲ။ တိုကျိုရဲ့ အဓိကရပ်ကွက် ၂၃ ခုမှာ အသုံးျပဳပြီးသား တိုက်ခန်းဈေးတွေက မေလမှာတင် မနှစ်ကထက် ၂၇% တက်သွားတယ်။

Tokyo Kantei အိမ်ခြံမြေ သုတေသနကုမ္ပဏီရဲ့ အချက်အလက်အရ ၇၀ စတုရန်းမီတာ (ပေ ၂၃၀ လောက်) ကျယ်တဲ့ တိုက်ခန်းတစ်ခန်းရဲ့ ပျမ်းမျှဈေးနှုန်းက ယန်း သန်း ၁၂၈ (အမေရိကန်ဒေါ်လာ ၇၉၅,၀၀၀ လောက်) အထိ ရောက်သွားပါပြီ။

ဘယ်နေရာတွေက အဆိုးဆုံးလဲ

Chuo နဲ့ Minato လို မြို့လည်ခေါင်ရပ်ကွက် ၆ ခုမှာဆိုရင် ဈေးက ပိုတောင်ဆိုးတယ်။ ပျမ်းမျှဈေးက ယန်းနဲ့ဆို ၁၄.၇% တက်ပြီး အမေရိကန်ဒေါ်လာ ၁.၁၆ သန်းလောက် ဖြစ်သွားပြီ။

Shinagawa နဲ့ Setagaya လို တိုကျိုရဲ့ တောင်ပိုင်းနဲ့ အနောက်ပိုင်းရပ်ကွက်တွေမှာတောင် ပျမ်းမျှဈေးက ဒေါ်လာ ၆၆၀,၀၀၀ လောက် ရှိပြီး၊ မနှစ်ကထက် ၂၅.၉% တက်လာတာပါ။ ဒီနေရာတွေမှာ အိမ်ငှားနေတဲ့သူတွေဆိုရင် ဒီဂဏန်းတွေမြင်ပြီး သွေးတောင်တက်ချင်စရာပဲ။

ဒါပေမယ့်...

ဒီနေရာမှာ စိတ်ဝင်စားစရာကောင်းတာတစ်ခုရှိတယ်။ အခုလို ဈေးတွေ အဆမတန်တက်လာတော့ တကယ်တန်ဖိုးကြီးတဲ့ တိုက်ခန်းတချို့က ဝယ်သူရှာမရတဲ့ ပြဿနာ စတွေ့လာရပြီ။

အထူးသဖြင့် တိုကျိုမြို့လည်က ဈေးအကြီးကြီး အိမ်ရာတွေက ရောင်းမထွက်တော့ ဈေးလျှော့ရောင်းလာရတယ်လို့ သုတေသနကုမ္ပဏီက ပြောပါတယ်။ ဆိုလိုတာက ဈေးက တက်လွန်းသွားလို့ ဝယ်နိုင်တဲ့သူ မရှိတော့တဲ့ အခြေအနေပေါ့။

ပြီးခဲ့တဲ့အပတ်က ဂျပန်ဗဟိုဘဏ်က အတိုးနှုန်းကို တိုးလိုက်သေးတယ်။ အခု အားလုံးက အဲ့ဒီအတိုးနှုန်းက အိမ်ရာဝယ်လိုအားကို ဘယ်လိုသက်ရောက်မလဲဆိုတာ စောင့်ကြည့်နေကြတယ်။